Айзада Канатбекованын өлүмү. Кызды уурдоого катыштыгы бар болгон шектүүлөрдүн дагы бирөө кармалды

 Бишкекте Айзада Канатбекованы уурдоого катыштыгы бар деп шектелген дагы бир адам кармалды. Бул тууралуу шаардык ички иштер бөлүмүнөн билдиришти.
 
Маалыматка ылайык, 31 жаштагы З.Р. Бишкек шаарынын аймагынан кармалган. Ал Бишкек шаардык Ички иштер башкы башкармалыгынын убактылуу кармоочу жайына киргизилген. 
 
«Калган шектүүлөрдү кармоо боюнча тиешелүү тергөө иш-чаралары жана ыкчам-издөө иш-чаралары улантылууда. Кылмышка шектүүлөрдү издөө боюнча ыкчам иш-чаралар жана тергөө иш-чаралары үчүн зарыл болгон бардык чаралар мыйзамдардын толук көлөмүндө жүзөгө ашырылат», - деп билдирди мекемеден.