Электр жарыгы жок. Кыргызстанда инвестициялык компаниялар ишин токтотту

Инвестициялык ишканалар электр энергиясынын жоктугунан бир айдан бери токтоп турат. Бул тууралуу депутат Алиярбек Абжалиев Жогорку Кеңештин жыйынында билдирди.
 
Ал министрлер кабинетин электр энергиясы менен камсыз кылуу боюнча так чечим кабыл алууну сунуш кылды.
 
«Азыр инвесторлорду издеп жатабыз. Ошол эле учурда иштеп жаткан ишканаларды электр энергиясы менен камсыздай албай турабыз. Бир айдан бери электр жарыгы берилбей турат. Бул жерде же маселени чечүү керек, же ишкананы жаап, инвесторлор менен коштошуу керек”, - деди Алиярбек Абжалиев.