Арстан Алай: "Дүйнө жүзүндө 70 пайыз адам кырылып, кыргыздар калып, мен ааламды башкарам"

Арстан Алай дүйнө жүзү боюнча 2070-жылга чейин коронавирустан адам затынын 70%ы көз жумаарын, бирок бул илдет Кыргызстанга келбей турганын бүгүнкү маалымат жыйынында айтты. 

Бул боюнча:“Коронавирус Кыргызстанга өтө албайт, мен чек чийип койдум. “Коронавирусту башкаларга мен жөнөттүм. Дүйнө жүзүндө 70 пайыз адам кырылып, кыргыздар калат. Андан кийин мен ааламды башкарам. Коронавирус  көп адамдарга жугат. 15 жашка чейинки балдарга вирус жукпайт. Менин сөзүм, менин пикирим – бул закон,  менин куралым – ааламдын күчү”,- деп билдирди.

Ошондой эле, дүйнө жүзүндө техника өнүккөн өлкөлөрдө, диний фанаттар көп жерди да вирус каптаарын белгиледи.  Мисалы катапы, "Түштүк Кореяда диний сектанттар көп" экенине токтолуп, ошондуктан ал жакта вирус жайылып жатканын кошумчалады.