Эрназар Акматалиев дүйнөлүк рейтингде 1-орунга чыкты

 
Кыргызстандык балбан Эрназар Акматалиев (UWW ) Бириккен күрөш уюмунун версиясы боюнча дүйнөлүк рейтингде 1-орунга көтөрүлдү.
 
Жаңыланган рейтинг Түркиядагы биринчи Ranking Series турниринин жыйынтыгы боюнча түзүлдү. Стамбулда өткөн Yasar Dogu, Vehbi Emre & Hamit Kaplan турниринде Акматалиев 70 килограмм салмакта күч сынашып, чейрек финалга чыкты.
 
Эми Акматалиевдин эсебинде 45520 упай бар, бул дүйнөлүк рейтингде 1-орунга көтөрүлүүгө мүмкүндүк берди.
 
Буга чейинки рейтингде кыргызстандык 2-орунду ээлеген.
 
Кыз-келиндер арасында 68 килограммга чейинки салмак категориясында 1-орунду кыргызстандык Мээрим Жуманазарова ээледи.