Даңазалуу актриса Мерьем Узерли тууралуу кызыктуу фактылар
- 17.02.2020, 11:15,
- Маданият
- 916
Facebook
Вконтакте
Одноклассники
Google+
“Курама темир курч болот...”
Мерьем Сахра Узерли 1983-жылы Германияда төрөлгөн. Апасы немец улутунун өкүлү болсо, атасы түрк. Мерьерм 4 бир тууган. 2 агасы апасынын биринчи турмушунан болсо, сиңдиси экөө бир атадан төрөлүшкөн. Мерьемдин актрисалык таланты кичинесинен эле байкала баштаган. 5 жашында атасынын досу жетектеген театрда биринчи жолу сахнага чыккан. Балдар катышкан спектаклдерде ар дайым роль жаратып турган. Орто мектепти аяктаган соң өзү кыялданган кесипке толугу менен киришүүнү туура көргөн. Жогорку билим алган соң, бир топ жыл театрда иштеген. 
“Түрк тилин билчү эмес...”
Актриса немец кинолорунда көп роль жараткан. Кино талаасында анын тушоосу Германияда кесилген десе да болот. Германияда экинчи пландагы ролдорду көбүрөөк жаратып жүргөн кезде Түркиядан анын курбусунан чакыруу түшөт. Курбусу жаңы долбоор башталып жатканын жана анда башкы каармандын образы Мерьемге ылайыктуу экенин айткан. Мерьем сунушту четке какпай кастингге келип, “Даңазалуу доор” телесериалынын башкы каарманы Хюррем Султандын образын жаратууга тандалып алынган. Кызыгы, Мерьем түрк кызы болсо дагы түрк тилин жакшы билчү эмес. Кино жаратуучулары анын бул кемчилигине көз жумуп, баары бир башкы каармандын образын жаратууну сунушташкан. 
“Бир күндө атактуулук алып келген Хюррем”
Сериалдын алгачкы 10 сериясы тартылганда эле көрүүчүлөрдүн сынына коюшкан. Кечээ эле түрк тилин билбеген түрк кызы бир эле күндө Түркияда болуп көрбөгөндөй атактуулукка жеткен. Аны сулуулуктун эталону, күчтүү айымдын образын жараткан мыкты актриса деп тааный башташкан. Миңдеген күйөрмандары аны ээн-эркин бастырбай калышкан. Ал тасманын 99-сериясына чейин тартылып, бул аралыкта бүткүл дүйнө элдерине таанымал актрисага айланган. Сериал 2011-жылдан 2013-жылга чейин тартылып, ийгиликтин туу чокусуна жеткенде Мерьем Берлинге кайтууга аргасыз болгон. Тасма жаратуучулары анын сериалга кайтып келүүсун суранышкан, бирок шартка байланыштуу актриса кайтып барган эмес. Хюррем Султандын күйөрмандары анын ордуна роль жараткан актриса Вахиде Перчинге сериалдын акырына чейин көнө албай абдан кыйналышкан. Сериалдан кетип, келишимди бузганы үчүн актриса көп кыйынчылыктардан өткөн. Материалдык чыгымга дуушар болгон. Эмне себептен аны атактуу кылган тасмадан баш тартканы актрисадан бөлөк эч кимге маалым эмес. Журналисттердин мындай суроосуна тынымсыз съемкадан улам ооруп калгандыгын айткан. Ал эми эл ичинде Сауд Аравиясына сериалды тасма жаратуучулары сатканда актрисага эч кандай гонорар төлөнбөй, анын партнеру, Султан Сулаймандын образын жараткан Халит Эргенчке көп суммадагы акча төлөнгөн экен деген аңыз бар.
“Сыноолорго сынбаган кайраттуу...”
Тасмадан баш тарткандан кийин актриса имиджин өзгөрткөн жана пластикалык жашартуучу операцияларды жасаткан. Сериалдан баш тартуусунун негизги себептеринин бири анын кош бойлуулугу да болгон дешет айрымдар. Ал сериал тартылып жатканда түрк бизнесмени менен жылуу мамиледе болгон, бирок тилекке каршы актрисанын боюна болуп калганда жигити жоопкерчиликтен качып, эне баланы таштап кеткен. Актриса үчүн бул сокку оор болгон. Түркиядан шашылыш кетип калуусунун бирден бир себеби наристесин Германияда, көздөн далоо өстүрүү болгон дешет күйөрмандары. 2014-жылдын февраль айында актриса кыздуу болгон. 
Фабула Пресс
Пикир калтыруу
- Бүгүн
- Көп окулгандар
- Талкуу
Соц.Тармак
