Тажикстан "-ов", "-ова" деп жазылган фамилиялардан баш тартышууда

Тажикстанда мындан ары жаңы төрөлгөн ымыркайлардын фамилияларына -ов, -ова, -ев, -ева деген славян суффикстерди пайдаланууга тыюу салынат.

Мындай чечимди  Тажикстандын парламентинин төмөнкү палатасы кабыл алды.  Мыйзамдын негизинде мындай суффикстердин ордуна тажик суффикстерин, уул балдар үчүн -пур, кыз балдар үчүн -духт деген мүчөлөрдү колдонушат. Бул чечим жаңы төрөлө турган ымыркайларга гана тиешелүү. Жарандардын буга чейинки документтер оңдолбойт.

Ал эми Тажикстандын аймагында жашаган орус тилдүү эл үчүн тандоо укугу берилет.

2007-жылдан тарта Тажикстандын президенти фамилиядагы орус суффикстен баш тартып, андан кийин бул кадамга башка жетекчилер да барган.