Тажикстанда окуучулар 17-сентябрдан тартып мектепке бара башташат

Өлкөдөгү пандемияга байланыштуу Тажикстанда мектептер 17-сентябрда ачыла турганын өлкөнүн Билим берүү министрлиги билдирген. 
 
«Окуунун алгачкы жумасында окуучулар өткөн жылдагы темаларды бышыкташат. Анткени жаз айында коронавирус илдетине байланыштуу жайкы каникулга эрте чыккандыктан окуучулар сабактарды толук окуп жетише албай калган»- деп билдирет министрлик. 
 
Ошондой эле мектептерде сабактар бардык санитардык эрежелерди сакталган шартта өткөрүлөт жана коронавирус илдетинин экинчи толкуну башталса окуучулар кайра аралыктан окутууга өтүшөт.  Аралыктан окууга алар толук даяр экенин билдирди.