Нурманбет Раймалы уулу КМШ оюндарында алтын медал утту

Татарстандын борбору Казань шаарында өтүп жаткан КМШ өлкөлөрүнүн I оюндарында 100 килограмм салмакка чейинки категорияда күч сынашкан Нурманбет Раймалы уулу бел боо күрөшү боюнча мелдеште алтын медалга ээ болду.
 
Эске салсак, ал буга чейин ушул эле оюндарда грек-рим күрөшү боюнча  күч сынашып коло медаль тагынган.
 
Көз карандысыз Мамлекеттер Шериктештигине кирген өлкөлөрдүн I оюндарында медалдар боюнча Кыргызстан 5-орунда келе жатат.
 
Учурда Кыргызстандын куржунунда 2 алтын, 9 күмүш жана 14 коло (жалпы 25) медаль бар.