Балбан кыз Айсулуу Польшада өткөн мелдеште алтын медаль утту

Айсулуу Тыныбекова Польшанын борбору Варшава шаарында өткөн "Poland Open" аттуу эл аралык турнирине катышып,  алтын медаль утту. Ал орусиялык балбан кыз Ульяна Тукуренованы 12:3 эсебинде жеңди. Кийинки баскычта Тыныбекова тунистик Марва Амри менен кез келди.

Айсулуу Тыныбекова 8:4 эсебинде утулуп жатып беттеш бүтөрүнө 40 секунд калганда атаандашынын далысын басып таза жеңишке жетти. Финалда Тыныбекова орусиялык балбан кызды 9:0 эсебинде мөөнөтүнөн мурда жеңип, алтын медалга ээ болду.