Ленин райондук соту Маданият министрлигинин “Азаттык медиасынын” жабылышы боюнча арызын канааттандырды

27-апрелде Бишкектин Ленин райондук соту Маданият, спорт жана жаштар саясаты министрлигинин маалымат каражаты катары каттоо лицензиясын жокко чыгаруу өтүнүчү менен “Азаттык медиасына” каршы доо арызын канааттандырды. Бул тууралуу басылма өзү билдирет.
 
Мындай чечимди судья Чолпон Каримбаева чыгарды.
 
2022-жылдын 26-октябрында Маданият министрлиги «Кыргыз Республикасынын улуттук кызыкчылыктарына карама-каршы келген» материалдар үчүн «Азаттыктын» ишин эки айга токтоткон. Кийинчерээк чектөө узартылган.
 
23-январда Маданият министрлиги “Азаттык Медиа” сайтынын ишин токтотуу боюнча райондук сотко доо арыз менен кайрылган.