Кумтөрдүн мурдагы аткаруучу директору кармалып, камакка алынды

     "Кумтөр Голд Компани" ЖАКсынын мурдагы аткаруучу директору Канат Курманов Бишкек кармалып, камакка алынды. Бул тууралуу Башкы прокуратурадан билдиришти.
 
Белгиленгендей, соттун чечими менен компаниянын мурдагы топ-менеджери март айына чейин камакта болот.
 
Буга чейин издөөгө алынган Канат Курманов Түркиядан Кыргызстанга алынып келингени айтылган. Ал 14-январда “Манас” эл аралык аэропортунан мамлекеттик чек араны кесип өтүп жаткан жеринен кармалган.