Абактагы Мелис Аспеков кайра ооруканага жаткырылды

УКМКнын убактылуу кармоочу жайында жаткан активист Мелис Аспеков Улуттук кардиология жана терапия борборуна жаткырылды. Бул тууралуу аталган борбордон кабарлашты.
 
Мекеменин билдиргенине караганда, Аспеков реанимацияга жаткырылган. Керектүү медициналык жардамдар көрсөтүлгөндөн соӊ ал палатага которулган. Абалы салыштырмалуу туруктуу. 
 
Эске салсак, 10-августта Аспековдун жүрөгү кармап, ал абактан Улуттук кардиология жана терапия борборуна жеткирилген. Анын жүрөгүнө операция жасалганы айтылган. 
 
Мелис Аспеков «Кыргыз темир жолу» мамлекеттик ишканасынын жетекчилигинен 250 миң доллар талап кылган деп айыпталууда.