Прокуратура кызматкерлеринин айлыгы көтөрүлөт

 Прокуратура кызматкерлеринин айлыгы көтөрүлөт. Бул тууралуу президент Садыр Жапаров прокуратура кызматкерлеринин күнүн белгилөө учурунда билдирди.
 
Мамлекет башчынын айтымында, ал прокурорлордон бир жыл чыдап турууну суранып, көзөмөл органынын кызматкерлерине иштөөгө шарт түзүлөрүн убада кылды.
 
«Силер үчүн иштөөгө шарттар түзүлүп жатат. Мындан бир жыл мурун белиңерди бекем буугула деп сурангам. Өз кызыкчылыгыңар үчүн жашабай, коомдун жыргалчылыгы үчүн иштеп, жарандардын укугун коргогула! Прокурорлор элден алыс болбошу керек. Эч нерсеге муктаж болбошу үчүн айлыгыңарды көбөйтөбүз. Ошол эле учурда мамлекет сиздерден таза иштөөнү талап кылат», - деди Садыр Жапаров.