"Ак Асаба" партиясы БШКга документтердин тапшырууда кечигип калды

Бүгүн, 18-октябрда саат 18: 00дө 28-ноябрда өтө турган Жогорку Кеңештин депутаттарын шайлоого катышуу үчүн ат салышып жаткан талапкерлердин  документтерди кабыл алуу аяктады. «Ак Асаба» партиясы документ тапшырууга кечигип калды. 
 
Маалыматка ылайык, алар БШКнын имаратына саат 17: 35те келишкен, бирок кээ бир документтерге мөөр керек болгондуктан, документтерди кайра карап чыгууга туура келген. Партиянын өкүлү документтери менен БШКнын имаратына саат 18: 32де келген.
 
БШК өкүлдөрү кабыл алуу 18: 00гө чейин гана жүргүзүлгөндүктөн, документтерди кабыл ала албай тургандыктарын түшүндүрүшкөн.