Динара Кемелова Кыргызстандын Вьетнамдагы элчиси болуп дайындалды

 Динара Кемелова Кыргыз Республикасынын Вьетнамдагы Атайын жана Ыйгарым укуктуу Элчиси болуп дайындалды. Бул тууралуу КР президентинин басма сөз кызматы билдирди.
 
Эске салсак, 2019 -жылдын январь айынан бери ал Кыргызстандын Корея Республикасындагы элчиси болуп иштеп келет.
 
Динара Кемелова 1971 -жылы 24 -июлда төрөлгөн. Ломоносов атындагы Москва мамлекеттик университетинин юридика факультетин эл аралык укук бөлүмүн бүтүргөн.
 
1995 -жылдан бери Тышкы иштер министрлигинде эмгектенип келген. 2015-2019-жылдары Кыргызстандын тышкы иштер министринин биринчи орун басары болгон.