Бир мандаттуу округдан депутаттыкка аттанган биринчи талапкер БШКга арыз жазды

 Шайлоо жана референдум өткөрүү боюнча борбордук комиссиясына бир мандаттуу округдан депутаттык шайлоого аттанган талапкер, Борбордук шайлоо комиссиясынын (БШК) мурдагы төрагасы Акылбек Сариевден арыз түштү.
 
Ал №33 Нарын шайлоо округунан ат салышууга ниеттенүүдө.
 
Бир мандаттуу округ боюнча депутаттыкка талапкерлер каттоо үчүн документтерди Борбордук шайлоо комиссиясына шайлоо күнүнө чейин 40 календардык күндөн кечиктирбестен - 18 -октябрда саат 18.00гө чейин тапшырышы керек.
 
Шайлоо 28 -ноябрга белгиленген. Жогорку Кеңештин 54 депутаты пропорционалдык система боюнча, 36 депутат  мажоритардык система боюнча шайланат.