Чет өлкөлөрдөгү кыргызстандыктар партиялык система боюнча гана добуш бере алышат

Чет өлкөдөгү кыргызстандыктар бир мандаттуу шайлоо округдан чыккан талапкерге добуш бере алышпай турганын 9-сентябрда БШКнын төрайымы Нуржан Шайлдабекова маалымат жыйынында билдирди.
 
«Чет өлкөлөрдөгү кыргызстандыктар бир мандаттуу система боюнча Жогорку Кеңешке шайлоого добуш берүүгө катыша алышпайт», -деди ал. 
 
 БШКнын маалыматына ылайык, чет өлкөлөрдө 54 шайлоо тилкеси ачылат. Жогорку Кеңешке шайлоо 2021-жылы 28-ноябрда өтөт.