Жапаров: Алдыдагы төрт ай өлкө экономикасы үчүн оор болот

 Бул тууралуу Жогорку Кеңештин жыйынында вице-премьер-министр - Экономика жана каржы министри Акылбек Жапаров билдирди.
 
Анын айтымында, экономикада чукул чараларды көрүү үчүн министрлер кабинетине кошумча ыйгарым укуктар керек.
 
«Биз экономикага өзгөчө кырдаал режимди киргизүү үчүн парламенттен уруксат алууга каршы эмеспиз. Бирок Жогорку Кеңеш каникулга, андан кийин шайлоого барат. Ал эми экономикада жакынкы төрт ай кыйын болушу мүмкүн. Ал эми пенсиянын көлөмүн январь айынан баштап көтөрбөсөк, анда бардыгы татаалдашып кетиши мүмкүн», - деди Акылбек Жапаров.