Бакыт Аманбаев АКШга элчи болуп дайындалат

АКШдагы элчи кызматына Садыр Жапаров премьер-министр болгондо өкмөттүн аппарат жетекчиси кызматтын аркалаган Бакыт Аманбаевдин талапкерлиги каралып жатканы айтылууда. 
 
Бакыт Аманбаев президенттик шайлоодон кийин Садыр Жапаров түзгөн өкмөт курамынан чыгып калган эле. Анын АКШга элчи болушуна коомчулуктун ичи чыккан жок. Себеби Аманбаевдин дипломат катары эч тажырайбасы жок. Ошондой эле анын англис тилин билбегени да чоӊ кемчилик катары сынга алынууда. 
 
Бакыт Аманбаев «Мекенчил» партиясы менен Жогорку Кеӊешке талапкер болгон, Камчыбек Ташиевдин үзөӊгүлөш санаалашы болуп эсептелет. 

Ошондой эле, Бакиевдин учурунда президенттин басма сөз кызматын (2006), БШКны жетектеген (2007-2008), учурда ЖКда «Ата Мекен» фракциясынын депутаты Гүлнара-Клара Самат (Клара Кабилова) Кыргызстандын Россиядагы элчиси болору кеп болуп жатат.