Абдил Сегизбаев: "Дүйшөн Чоткараевдин камалышын саясий процесстерге кысым жасоого аракет кылуу катары түшүнүп турам"
- 14.12.2020, 13:16,
- Саясат
- 0
Facebook
Вконтакте
Одноклассники
Google+
Президенттикке талапкерлердин бири, УКМКнын мурдагы төрагасы Абдил Сегизбаев УКМКнын коррупцияга каршы кызматынын мурдагы жетекчиси Дүйшөнбек Чоткараевдин камалышын саясий процесстерге кысым жасоого аракет кылуу катары баалады.
"Коррупцияга каршы кызмат тарабынан Дүйшөн Чоткараевдин камалышын мен саясий процесстерге кысым жасоого аракет кылуу катары түшүнүп турам. Мен Дүйшөнбек Чоткараевдин үстүнөн башталган ишти түзмө-түз шайлоо процессине байланыштуу деп эсептейм. Себеби Чоткараев биздин штабка өз ыктыяры келип, бизге жардам бергенге аракет кылган. Ошол аракет башталганда 3 жыл мурун тынч жаткан, эч ким тийишпеген ишти башташты. Биринчи жолу суракка алып кетишти. Экинчи жолу СИЗОго камашты. Менин оюмча АКСти башкарып тургандар ушундай ишти уланта берсе, жакшылык менен бүтпөйт. Булар 2005-2010-жылы болгон ыкмаларды кайталап жатышат" , - деген Сегизбаев өз билдирүүсүндө.
