Кыргыз почтасынын жетекчиси Шамил Асымбеков кызматынан кетти

“Кыргыз почтасы” мамлекеттик ишканасынын жетекчиси Шамил Асымбеков кызматынан кетти. Бул маалыматты Мамлекеттик каттоо кызматынын басма сөз кызматынан тастыкташты.
 
Маалыматка ылайык, Шамил Асымбеков кызматынан өткөн жумада кеткен. Ал кызматынан эмне себептен кеткени белгисиз. 
 
Эске салсак, Шамил Асымбеков “Кыргыз почтасы” мамлекеттик ишканасына жетекчи болуп кышында дайындалган. Ага чейин “Бажагейт” окуясынан улам Өкмөттүк аппараттын жетекчилигинен кеткен эле.
 
Булак: reporter.kg