Быйыл "Өлбөс полк» акциясы онлайн форматта өтөт
- 29.04.2020, 11:24,
- Коом
- 0
Facebook
Вконтакте
Одноклассники
Google+
Дүйнө жүзү боюнча түзүлгөн кыйчалыш кырдаалдан улам быйыл Кыргызстанда «Өлбөс полк» акциясы онлайн форматта өтөт. Бул тууралуу Маданият, маалымат жана туризм министрлигинен билдиришти.
Өлкөдө 9-Майга карата уюштурулган «Өлбөс полк» акциясы 2014-жылдан бери өткөрүлүп келүүдө.
«Акция Улуу Ата Мекендик согуштун катышуучуларын жана алардын өлбөс-өчпөс эрдиктерин эстеп жүрүүгө чакырат. Кыргызстанда «Өлбөс полк» акциясы алгачкы ирет 2014-жылы Ош шаарында өткөрүлгөн. 2015-жылы жүрүшкө Бишкек шаары дагы кошулган. Бишкек шаарында 2015-жылы 70 жылдыкта жүрүшкө 3 миңге жакын адам катышкан. 2016-жылы 25-26 миңге жакын катышуучу болгон. 2017-жылы акцияга 30-35 миңге жакын адам катыша алган. 2018-жылы жүрүшкө 40-45 миң адам чыккан. Ал эми 2019-жылы жүрүшкө 50 миңден ашык киши катышкан. Былтыр жүрүш Кыргызстандын бардык шаар жана айыл-кыштактарында өткөрүлгөн», — деп билдирет министрлик.
