Министрлик мамлекеттик стоматологиялык клиникалардын санын көбөйтүүнү пландоодо

Саламаттыкты сактоо министрлиги мамлекеттик стоматологиялык клиникалардын санын көбөйтүүнү пландоодо. Бул тууралуу Саламаттыкты сактоо министрлигинин жеке стоматологиялык клиникаларды текшерүү боюнча комиссиясынын төрагасы Ренат Мавланбай уулу билдирди.
 
Маалымат жыйынында ал Ош шаарында мамлекеттик стоматологиялык клиникаларды көбөйтүү боюнча пилоттук долбоорду баштоону пландап жатканын билдирди.
 
«Ош шаарында үч мамлекеттик стоматологиялык клиника бар жана бул клиникалардын кызматкерлеринин аркасында алардын санын көбөйтүп жатабыз. Ош шаарынын мэри менен жолуктук, ал бул клиникаларга орун бөлүп берүүнү убада кылды», - деди Ренат Мавланбай уулу.