Жалал-Абадда калемсаптын капкагын жутуп алган наристе чарчап калды

 
Жалал-Абадда калемсаптын капкагын жутуп алган бир жашар наристе чарчап калды. Бул тууралуу 18-майда шаардык милициядан билдиришти. 
 
Маалыматка ылайык, 17-майда Жалал-Абад облустук клиникалык ооруканасынын балдар бөлүмүнөн милицияга бир жашар наристенин чарчап калганы тууралуу маалымат түшкөн.
 
Текшерүү учурунда наристе үйүндө ойноп жатып калемсаптын капкагын кокусунан жутуп алганы, аба жетпей, ошол жерде чарчап калганы белгилүү болгон. Наристенин атасы арыз жазуудан баш тарткан.
 
Бул факт кокустук катары катталып, текшерүү башталды.