Сузакта 600дөн ашык үйдү суу каптап, 1000ден ашуун адам эвакуацияланды

Кечээ, 4-майда жааган нөшөрлүү жаандан улам Сузак районунун Барпы жана Атабеков айылдарында сел жүрүп, 600дөн ашуун үйдү суу каптап, 1000ден ашуун жашоочу эвакуацияланды. 
 
Маалыматка ылайык, селден 10 социалдык объект жабыркап, 604 үйгө суу кирип, 1000ден ашуун адам башка жакка көчүрүлгөн. 
 
Селден жабыркаган айылдарда ӨКМден 132 кызматкер, 12 техника тартылып, жашоочуларды коопсуз жайга көчүрүү, тазалоо иштерин жүргүзүүдө.