Жалал-Абад облусундагы жол кырсыгынан алты адам каза болду

 Жалал-Абад облусунда кырсыктан алты адам каза болуп, экөө жаракат алды. Бул тууралуу Өзгөчө кырдаалдар министрлигинин басма сөз кызматынан билдиришти.
 
Маалыматка ылайык, кырсык Бишкек-Ош унаа жолунун 495-чакырымында, Ууру-Жар айылында болгон. Жүк ташуучу Мерседес-Бенц жана Хонда Одиссей унаалары кагышкан. Куткаруучулар каза болгондордун сөөктөрүн дарыгерлерге өткөрүп беришти. Жабырлануучулар ооруканага жаткырылды.
 
Учурда кырсыктын себептери иликтенип жатат.