Бардыгына тегиз жылмаюу тартуулаган Эдди Мёрфи
- 13.02.2020, 14:39,
- Коом
- 2
Facebook
Вконтакте
Одноклассники
Google+
“Жетимдиктин запкысын тарткан балалык...”
Өзүнүн аты Эуард Риган Мёрфи. Ал 1961-жылдын 3-апрелинде туулган. Болочок жылдыз 8 жашка чыкканда атасынан айрылып калган. Апасы эки уулу менен жалгыз бой абдан кыйналат жана күйүтүнө чыдабай катуу ооруп калат. Бул учурда чүрпөлөрүнө көңүл бура албай калгандыктан бир туугандар бөлөк үй-бүлөдө бир канча убакыт жашап турууга аргасыз болушкан. Апасы тумуштун сыноолорунан чарчап экинчи ирет турмушка чыгууга аргасыз болгон. Жаштайын канчалык кыйынчылыкты тартса да Эдди сүйкүмдүү, шайыр бала болгон. Мектепте окуп жүргөндө эле өзү күлкүлүү номерлерди ойлоп таап, иш чараларда аткара баштаган.
“Куудулдук менен башталган чыгармачылык жол...”
Эддини дүйнө эли куудул, актер, жазуучу, ырчы жана продюсер катары таанышат. Анын чыгармачылык жолунун башаты “Алтынчы күнү кечинде” аттуу шоу программасында куудул катары туруктуу катышуудан башталган. Аталган көрсөтүүгө 1980-жылдан 1984-жылга чейин катышкан. Элге куудул катары тааныла баштаган соң бул жаатта ийгилик жаратаарына көзү жетип, куудул катары өзүнүн чыгармачылыгын өркүндөтө баштаган. Анын күжүрмөн аракети тез эле өз жемишин берген. Дегеним, "Comedy Central" телеканалынын версиясы боюнча "Бардык мезгилдердин 100 эң улуу куудулу" деген тизмеде онунчу орунда турган куудулдукка тез арада эле жеткен.
“Полициянын ролу багын ачкан...”
Актер үчүн ийгиликтүү туш болуп калган роль анын бактысын ачып, жашоосун өзгөртөт. Эдди ал жагынан жолдуу болгондугун "Беверли Хиллздин полиция кызматкери аттуу тасмада роль жаратканынан билсек болот. Аталган тасмадан соң куудул актер катары көптөгөн тасмаларга чакырыла баштаган. А түгүл дал ушул тасмада жараткан мыкты образы үчүн "Алтын глобус" сыйлыгынын номинацияларына талапкер болгон. 2007-жылы "Алтын глобус" сыйлыгынын "Экинчи пландагы эң мыкты актер" номинациясын жеңип алган "Оскар" сыйлыгынын "Экинчи пландагы эң мыкты актер" номинациясына "Кыялдагы кыздар" тасмасындагы образы үчүн көрсөтүлгөн.
“Келесоо профессордо башкы кейипкердин жакындарын келтире аткарган...”
Бир кезде өтө популярдуулукка жетип, дүйнө элдеринин сүйгөн комедиясына айланган “Келесоо профессор” тасмасынын көркүн бир гана Эдди ачкандыгын кино талдоочулары бир канча ирет баса белгилешкен. Актер аталган тасмада бир гана ролду жаратпастан башкы кейипкердин атасынын, агасынын, апасынын жана чоң апасынын ролдорун жараткан. Мындан улам анын көп кырдуу талант экендигин баамдоого болот. Мындан сырткары көптөгөн үн коштоолордо катышкан. Алардын эң эле атактуусу “Шрек” мультфильминдеги эшектин үнү. Эшек аталган мульфильмдеги эң күлкүлүү образдардын бири болгондуктан мындай түйшүктүү ишти жогорку деңгээлде ишке ашыруу түйшүгү Эддиге жүктөлгөн. 
Фабула Пресс
Пикир калтыруу
- Бүгүн
- Көп окулгандар
- Талкуу
Соц.Тармак
