Эртеӊ Бишкекте коомдук транспорт каттамдары токтотулат

«22- мартта  Бишкекте коомдук транспорт каттамдары токтотулат. Борборубуздун жашоочулары  муну түшүнүү менен кабыл алууларын суранабыз»- дейт  мэриянын маалымат кызматы. 

Борбордогу коомдук транспорт каттамдарынын токтотулушу 22- мартта өлкөгө киригизилип жаткан өзгөчө кырдаал режимине байланыштуу болушу мүмкүн. 

Өлкө аймагына коронавирусту жайылтпоонун  алдын алуу чаралары туурасында Президент Сооронбай Жээнбековдун төрагалы менен   болуп өткөн жыйында Кыргызстандын Коопсуздук кеңеши премьер-министрге 22-марттан тарта өлкө аймагында өзгөчө кырдаал режимин жарыялоону сунуштады. 

Өзгөчө  кырдаалга байланыштуу  12- апрелде өтө турган  жергиликтүү кеңештерге шайлоо башка мөөнөткө жылдырылат.