Муфтият Аалымдар кеңешинин мүчөлүгүнө талапкерлерди каттай баштады
- 16.02.2021, 10:40,
- Коом
- 0
Facebook
Вконтакте
Одноклассники
Google+
Уламалар кеңешинин мүчөлүгүнө талапкерлерди каттоо башталды. Бул тууралуу Муфтияттын басма сөз кызматынан билдиришти.
Маалыматка ылайык, каттоо 17-мартка чейин жүрүп, Кыргызстан мусулмандарынын Аалымдар Кеңеши ушул жылдын 5-апрелинде курултай өткөрөт.
Талапкерлер Кыргыз мусулмандар дин башкармалыгынын курамында же расмий дин кызматкери катары 5 жылдан кем эмес иш тажрыйбасына ээ болуп, мамлекеттик органдар тарабынан соттолбогон, жогорку деңгээлдеги диний жана светтик билимге ээ болушу шарт.
Кыргызстан мусулмандарынын курултайы жаңы устав боюнча 4 жылда бир чакырылып, Азирети Муфтий, Аалымдар Кеңеши жана Борбордук Текшерүү Комиссиясынын төрагасы курултай делегаттары тарабынан ачык добуш менен бекитилет.
