Кытай Кыргызстанга коронавируска каршы вакцина алып берет

Кытай Эл Республикасынын өкмөтү Кыргызстанга коронавируска каршы вакцина алып бере турганын ТИМдин маалымат кызматы кабарлады.

Мындай билдирүүсүн Кытайдын КРдеги элчиси Ду Дэвэнь өлкөнүн тышкы иштер министри Руслан Казакбаев менен жолугушуу учурунда жасады.

Препаратты жеткирүү боюнча техникалык маселелер тараптар ортосунда жакынкы арада чечилмекчи.

Казакбаев көрсөтүлүп жаткан жардам үчүн ыраазычылык билдирип, мындай кадам эки өлкөнүн ар тараптуу кызматташуусунун далили экенин айткан.Дипломаттар Кыргызстан менен Кытайдын ортосундагы мамилени, стратегиялык өнөктөштүктү бекемдөө үчүн кызматташууну улантууга даяр экенин белгилешти.