Акыркы умрага баргандардын көбү изоляцияга алынды, 45 адам изделип жатат

Коронавирусту алдын алуу боюнча ыкчам штабынын маалыматына ылайык, коронавирус жуктуруп алган жарандар менен чогуу учуп келген 135 киши изоляцияга алынат. Алар 12-мартта Сауд Аравиясынан учуп келишкен. Чогуу келген 90 адам 18-марттын таңында изоляцияга алынды. 45 адам изделип жатат. 
Эске салсак, бүгүн Кыргызстанда коронавирус жуктургандар алгачкы жолу катталды. Оору жуктурган 3 адам Жалал-Абаддын инфекциялык ооруканасында. Үчөө тең 70, 62 жана 42 жаштагы эркек кишилер.