Жол жээгинде сатылып жаткан майлардын сапатсыз экени аныкталды

Мамлекеттик салык кызматы авто унаа ээлерине күйүүчү майды май куюучу жайлардан гана сатып алууну сунуштайт. Бул тууралуу мекеменин маалымат кызматы билдирди.
 
Маалымтка ылайык, жол боюнда, маршруттук унаалар токтоочу жайларда жана башка жерлерде сатылып жаткан майлар “АИ-92” жана “АИ-95” маркасындагы эмес, эң төмөнкү сапаттагы “АИ-76” жана “АИ-80” бензини экендиги рейддик иш-чаралардын жыйынтыгында аныкталган.
 
Мекеменин кызматкерлери көчөлөрдө күйүүчү майларды сатып жаткан соодагерлери “АИ-76” же “АИ-80” маркасындагы бензинди май куюучу жайлардан сатып алып, аны кайра “АИ-92” жана “АИ-95”  маркасындагы майлар деп сатып жатканын, сапатсыз майларды колдонуу автоунаалардын бузулушуна алып келерин эскертет.