Өзгөчө кырдаалдар министрлиги азык-түлүк сатып алууга 8 миллиард сом бөлдү

Учурда керектүү азык-түлүктөрдү сатып алууга 8 миллиард сомго жакын каражат бөлүнгөн. Бул тууралуу бүгүн министрлер кабинетинин кризиске каршы иш-чараларга арналган жыйынында Акылбек Жапаров айтты.
 
Анын айтымында, азыр Каржы министрлиги менен Улуттук банкка ички стандарттарды кайра карап чыгуу сунушталды. Өзгөчө кырдаалдар министрлигине акчаны накталай алууга, зарыл болгон учурда продукцияларды сатып алууга жана мамлекеттик материалдык запастарды керектүү деңгээлде кармап турууга уруксат берүү сунушталууда.
 
«2008-жылы буудайдын баасы да кескин өсүп кеткен. Андан Кытай бизге жардам берди. Мен салттуу базарларга гана эмес, Кытай, Иран жана башка аймактарга да таянууну сунуштайм”,-деди Акылбек Жапаров.