Токтогул суу сактагычындагы суунун көлөмү 8,8 млрд. куб метрди түздү

 Токтогул суу сактагычындагы суунун көлөмү 8 млрд. 840 млн. куб метрди түздү. Бул маалымат “Электр станциялары” ишканасынын сайтында жарыяланды. 
 
Маалыматка ылайык, суу сактагычка секундасына орточо 132 метр куб суу агып кирип, 456 метр куб суу агып чыгууда.
 
Энергетиктердин айтымында, ушул жылдын апрель айында суунун көлөмү 6 млрд. метр кубга чейин азайышы мүмкүн. Буга учурдагы электр энергияга болгон керектөөлөрдүн өсүп жатканы себеп болот. Суу 6 млрд. метр куб түшсө, ГЭС авариялык абалга кабыла турганын энергетиктер эскертишет.