Дарыгер ооруну басаӊдатуучу каражаттардын зыянын айтты

 
Теле алып баруучу жана дарыгер Александр Мясников стероиддик эмес сезгенүүгө каршы дары-дармектер, тактап айтканда ооруну басаңдатуучу каражаттар гипертониялык оорулуулар үчүн коркунучтуу экенин айтты. Бул тууралуу РИА Новости жазды.
 
Мясниковдун айтымында, ооруну басаңдатуучу каражаттар кан басымынын көтөрүлүшүнө, гипертониялык криздерге, инфарктка алып келет. Жүрөгү ооругандарга бул каражаттарды колдонууга такыр болбойт.
 
Эксперт белгилегендей, бул дарылар кан тамырларга жана бөйрөктөргө терс таасир этет.
 
Дарыгер ошондой эле ооруну басаңдатуучу дары -дармектерди ашказан үчүн дары -дармектер менен бирге гана ичүү керектигин эскертти, өзүнчө ичкенде бул каражаттар ашказанга жара пайда кылышы мүмкүн.