Акыйкатчы Токон Мамытовго оңтойсуз суроолор…
- Токон Болотбекович, сиз Акыйкатчы болгондон бери дээрлик бир жарым жылдын жүзү болду. Андан бери дайныңыз билинбейт. Деги барсызбы? Амансызбы? Кимдин укугун коргоп, эмне иш аткарып жатасыз?
Мурда-кийин жалаң күч органдарында иштеген жаныңыз, Акыйкатчылыкты айкалыштыра албай, чээнде жатасызбы? Айлык алып, жылуу кабинетте отурганга куштар болбой, анда-санда ийинден чыгып үн катып койсоңуз боло?
Балким, акыйкаттык издеген жарандар жок, кылаарга ишиңиз, салаарга кушуңуз жок отурган чыгаарсыз? Акыйкатчы катары деги эмне иш жасап, чеке жылыттыңыз? Уккан кулакты сүйүнтүп, «уйкудан» ойгонуп ак же көк деп, коомчулукка кабардар кылып коюңуз?..
