Карантин учурунда Бишкекте батир толугу менен күйүп, коңшуларын да каптап кетти...

Бишкек шаарынын 4-кичи районундагы көп кабаттуу үйлөрдүн биринде өрт чыкты. Бул тууралуу КР Өзгөчө Кырдаалдар министрлигинен кабарлашты. Маалыматка ылайык, өрт өчүрүү кызматына чакыруу 23-апрелде саат 13-13 чамасында түшкөн. "Окуя болгон жерге бир өрт өчүрүүчү унаа жиберилип, өрт саат 14-13тө толугу менен өчүрүлдү. Жабырлануучулар жок" дейт ӨКМдин пресс-кызматы. 

Ал эми күбөлөрдүн айтымында өрт коңшу батирлерди да каптаган. Тилсиз жоо батир ээсинин өчпөй калган чылымынан улам чыккан деген божомолдор айтылууда. Ал чылым чегип бүтүп, өчүрбөй уктап калган. Жыйынтыгында батир толугу менен күйүп, коншуларын кошо каптап кеткен.