Марат Жороев Бишкектин башкы архитектору болуп дайындалды

  «Бишкек башкы архитектура» муниципалдык ишканасына Марат Жороев жетекчи болуп дайындалды. Бул тууралуу шаар мэриясынын басма сөз кызматы кабарлады. 
 
Маалыматка ылайык, тийиштүү буйрукка мэрдин милдетин аткаруучу Балбак Түлөбаев кол койду. 
 
Марат Жороев буга чейин «Бишкек башкы архитектура» ишканасынын жетекчи орун басары болуп иштеп келген.
 
Бишкектин башкы архитектору Асхат Түлөбердиев 25-декабрда коррупцияга шектелип кармалган.