Садыр Жапаровго театрлаштырылган көрсөтмө үчүн эскертүү берилди

Борбордук шайлоо комиссиясынын үгүт иштерин көзөмөлдөгөн жумушчу топ президенттикке ат салышып жаткан Садыр Жапаровдун Каракол шаарындагы эл менен жолугушуусундагы театрлаштырылган көрсөтмө боюнча талапкерге расмий эскертүү берүүнү сунуштады.

Бул тууралуу БШК мүчөсү Гүлнара Журабаева маалымдады. Анын айтымында, бул сунуш Боршайкомдун жалпы жыйынында каралат.

"Жумушчу топ талапкерге эскертүү берүүнү сунуштады. Аны жыйынга катышкан жумушчу топтун 10 мүчөсүнүн алтоо колдоду. Мындан сырткары, талапкердин шайлоо штабына акчалай айып пул салуу сунушу айтылып, бирок колдоо тапкан жок", — деди Гүлнара Журабаева.