10-январда мөөнөтүнөн мурда өтө турган президенттик шайлоого катышуу үчүн ат салышкан 11 талапкер шайлоого катышуудан баш тартты. Бул тууралуу БШКнын басма сөз кызматы билдирди.
Маалыматка ылайык, талапкерлигин чакыртып алуу өтүнүч менен Турсунбай Бакир уулу, Арсланбек Малиев, Базарбай Темишов, Акжолтой Тукунов, Азамат Эсенбеков, Жамбылбек Камчиев, Адилет Маматов, Бактыбек Жумагулов, Абдыкаар Сыдыков, Санжарбек Энназаров жана Кубанычбек Исабеков Боршайкомго кайрылышкан.
Эске салсак, буга чейин сегиз талапкер арыздарын чакырытып алса, БШК 12 талапкердин документтерин ар кандай себептердин негизинде кайтарып берген.
