Бишкекте туруктуу жашаган жери жок адамдар үчүн борбор ачуу пландалууда

Бишкек шаарында туруктуу жашаган жери жок адамдар үчүн борбор ачуу пландалууда. Бул тууралуу мэрдин милдетин аткаруучу Балбак Түлөбаев билдирди.
 
 
Маалыматка ылайык, учурда Сауд Арабиянын фонддору менен үй-жайсыз адамдарга борбор ачуу пландалууда. Борбор 300 адамга ылайыкташып, 2-3 жылдын ичинде курулуп бүтөт, ал жерде  медициналык жардам көрсөтүлүп, тамак-аш каралып, психологдор иш алып барышат. Борбордун негизи максаты үй-жайсыз адамдарды үй-бүлөлөрүнө жана коомго кайтаруу болуп саналат.