Коронавируска каршы вакцинаны сатып алуу боюнча Орусия менен сүйлөшүүлөр жүрүүдө

Кыргыз өкмөтү Орусия менен коронавируска каршы вакциналарды сатып алуу боюнча сүйлөшүүлөрдү жүргүзүп жатат. Бул тууралуу вице-премьер-министр Эльвира Сурабалдиева брифинг учурунда билдирди.
 
Анын айтканына караганда, Кыргызстан коронавируска каршы вакцина сатып алуу өтүнүчү менен Орусияга кат жөнөткөн. Вакциналардын саны, келүү жана каттоонун графиги Кыргыз Республикасында иштелип чыккан. Кыргызстандагы  адистер Москвага барып, «Спутник-V» вакцинасынын клиникалык сыноолору менен таанышып чыгышкан.