Айсулуу Тыныбекова турнирге катышуу үчүн Варшавага жөнөп кетти

Бул тууралуу Тыныбекова фейсбуктагы баракчасына жазды. 
 
«Вируска байланыштуу ортодогу узак мөөнөттүү тыныгуудан кийин кайрадан күрөш боюнча турнирге катышуу үчүн Варшавага жөнөдүк. Азыр аман -эсен Стамбулга келип алдык. 
Аялдар күрөшү боюнча Poland Open эл аралык турнирине бара жатабыз. Убакыттын тардыгына байланыштуу дароо жетерибиз менен күрөшөм.
Баары жакшы! Болгону Кыргызстандан чет жерге чыгуу абдан оор болуп калыптыр. Аэропорттон чыгууда көп кыйынчылыктар болду. Ооба, азыр вирус учурунда чектөөлөргө баш ийип, тартипти баарыбыз сакташыбыз керек.
Турнирден кийин атайын машыгууларыбызды Польшада улантабыз»,-деп жазды Тыныбекова.