Иштен алынган Аликбек Жекшенкулов: "Чынын айтсам өзүм дагы түшүнбөй турам"

Кыргызстандын Россиядагы элчиси  Аликбек Жекшенкулов эмне себептен кызматтан алынганына өзү да түшүнбөй калганын айтат.

"Чынын айтсам өзүм дагы түшүнбөй турам. Ага кандай негиз болду экен. Мени менен ишенимден кеткеним боюнча эч ким сүйлөшкөн эмес. Андыктан таң калып жатам", — дейт ал.

Эске салсак, аны президен Сооронбай Жээнбеков кызматтан кетип жатып Аликбек Жекшенкуловду да иштен алып таштаган. Бул тууралуу жарлык "Эркин-Тоо" мамлекеттик гезитине жарыяланганын редакциядан тастыкташты. Жарлыкта элчи ишенимди жоготкондугуна байланыштуу ээлеген ордунан бошотулганы жазылган.