Садыр Жапаров премьер-министр болуп шайланды

 Бүгүн, 14-октябрда «Ала -Арча» резиденциясындагы Жогорку Кеңештин жыйынында Садыр Жапаров премьер-министр болуп шайланды жана өкмөттүн ал сунуштаган курамы да колдоо тапты.
 
Ага ылайык, Алмазбек Бейшеналиев билим берүү жана илим министрлигине, Руслан Казакпаев тышкы иштер министрлигине, Улан Ниязбеков ички иштер министрлигине, Бактыбек Аманбаев өкмөттүк аппаратка жетекчиси-министр кызматына, Кыялбек Мукашев финансы министрлигине, Бакыт Бердалиев транспорт жана жол министрлигине, Марат Жаманкулов юстиция министрлигине,  Бообек Ажыкеев өзгөчө кырдаалдар министрлигине, Алымкадыр Бейшеналиев саламаттык сактоо министрлигине, Нуржигит Кадырбеков Маданият, маалымат жана туризм министрлигине, Жыргалбек Сагынбаев Өнөр жай, энергетика жана кен пайдалануу комитетинин жетекчилигине сунушталууда.