Митинг учурунда жоголгон аскердик унаа талаадан табылды

Бишкек шаарындагы массалык баш аламандык учурунда жоголгон аскердик жүк ташуучу унаа Чүй облусунун Ысык-Ата районунун аймагынан табылды.

Блогер Болот Ибрагимов социалдык тармактагы баракчасына унаанын сүрөтүн жарыялады.
«Кайдыгер эмес жарандар уурдалган жүк ташуучу унааны Чүй облусундагы айылдын жанындагы талаадан табышты. Учурда ал жерге укук коргоо органдарынын кызматкерлери бара жатат», - деп жазган Ибрагимов.