БШК Өмүрбек Текебаевдин депутаттык мандатын кайтарып берген жок

Кеңештин мурунку депутаты Өмүрбек Текебаев БШКга мандатын кайтарып алуу арызын жазып, бирок тилеги орундалбай калды. Бул тууралуу чечим бүгүн, 12-октябрда БШКда анын арызы каралып жаткан учурда белгилүү болду.

Анда БШК депутаттыкка бош орун жок болгондуктан мандатты кайтарып бербөө чечимин кабыл алды.

Ал эми Текебаев анын кылмыш иши боюнча соттордун бардык чечимдерин Жогорку Сот жокко чыгаргандыгын белгилеп, материалдар жаңы ачылган жагдайлардын негизинде кароого жөнөтүлгөндүгүн билдирди. Өмүрбек Текебаевдин билдирүүсү бош мандат түзүлгөнгө чейин ачык бойдон калат.