Сапар Исаков: "Мен 7 күнгө эле эркиндикке чыктым"

Мурдагы премьер-министр Сапар Исаков Координациялык кеңештин жыйынынан кийин журналисттерге абактан мыйзамдын негизинде 7 күнгө гана чыкканын айтты.

"Мени алып чыгып жатышканда мага мыйзамдуу түрдө бошотуп жатабыз деп түшүндүрүштү. Мыйзамдын чегинде жети күнгө эркиндикке чыктым. Мында эреже бузуу болгон жок. Сот тийиштүү чечим чыгаргандан кийин гана мыйзамдуу деп эсептелет. Мен азыр соттун ордуна жооп бере албайм да. Жеке пикиримде, коомчулуктун ишенимине кирген соттор дайындалып ошолор ишти карашы керек. Бул өтө маанилүү. Мен үчүн принципиалдуу түрдө маанилүү", — деди Исаков.