Бажыны дагы канча жыл мыкчып тургуңар келет?

«Мекеним Кыргызстан» партиясынын көмүскөдөгү лидери Искендер Матраимовго

- Искендер Исмаилович, «Мекеним Кыргызстан» партиясын сиз иниңиз Райымбек Матраимов экөөңүздөр башкарып, калчап жатасыздар чынбы? Каржысын да, талапкерин дагы сиздер чечтиңиздер, ыраспы? Бирок эл ичиндеги «Мекеним Кыргызстан» партиясы коррупционердин партиясы деген ирээнжиген, нааразы пикирлерди кулагыңыз чалдыбы? Чалса, кандай кабыл алдыңыз? Иниңиз «Райым миллиондун» Бажыдагы коррупциялык иштери боюнча «Азаттыктын» иликтөөсүндөгү айтылган фактылар бийлик алмашса ачыкка чыгат деп ойлойсузбу? Президенттин иниси Асылбек Жээнбеков менен иниңиз «Райым миллиондун» чабышы эмне менен аякташы ыктымал? Сиздер жеңесиздерби же Асылбек Жээнбековбу? Деги мамлекетке, элге каскагыңар тийбейби? Элди акчага сатып алып, мамлекетти башкарам дегендерге кандай карайсыз? Шайлоодо канча сомдон таратып жатасыздар? Бажыны дагы канча жыл мыкчып тургуңар келет? Матраимовдор мамлекетке пайда алып келип жатабы же зыянбы? Сиздердин келечек кандай болот деп элестетесиз?

Суроо салган Алмаз ТЕМИРБЕК уулу