Бүгүнтөн баштап китепкана, музейлер иштеп баштады

Бүгүн, 14-сентябрдан тарта, өлкөдөгү музей жана китепканалар өз ишин кайрадан жандантат. Бул тууралуу Маалымат, маданият жана туризм министрлиги билдирди.
Ал үчүн атайын санитардык эрежелерди сактоо максатында алгоритм иштелип чыгып, Саламаттык сактоо министрлиги менен макулдашылган.

Маалыматка ылайык, музей жана китепканалардын ишин жандантууда коронавирус инфекциясынын жайылып кетүүсүн алдын алуу каралат. Ошондой эле министрлик койгон талаптарга ылайык, мекемелердин имаратына кирүү алдында кызматкерлердин жана коноктордун дене табы текшерилип, ичинде жүргөндө социалдык аралык сакталышы керек.